प्रथम बालपुरी टेक्वान्दो प्रतियोगिता यही २४ देखि त्रिबेणिमा हुने

श्याम बुचा

सुस्ता २३ कार्तिक

पुर्वी नवलपरासीको ऎतिहासिक धार्मिक स्थल त्रिबेणि धाममा प्रथम बालपुरी आइ टि एफ  टेक्वान्दो प्रतियोगिता यहि कार्तिक २४ गते देखि हुने भएको छ ।

जिल्लाको बिनयी त्रिबेणि गाउँपालिका स्थित त्रिबेणिमा रहेको युथ भिजन संस्थाको आयोजनामा हुने प्रथम बालपुरी आइ टि एफ टेक्वान्दो प्रतियोगितामा लुम्बिनी प्रदेश र गण्डकी प्रदेशका १२ वटा जिल्लाबाट खेलाडीहरु सहभागी हुने आयोजकले जनाएको छ ।

आयोजकको अनुसार पुर्वी नवलपरासी जिल्लाको ऎतिहासिक धार्मिक स्थलको रूपमामा पहिचान बोकेको त्रिबेणि धामलाई एक किसिमको खेल जगतमा पनि पहिचान बढाउने उद्देश्यले यहीँ कार्तिक २४ देखि २६ गते सम्म गरि ३ दिन प्रथम बालपुरी आइ टि एफ टेक्वान्दो प्रतियोगिता संचालन गर्न लागिएको युथ भिजन संस्थाका अध्यक्ष अर्जुन अर्यालले बताएका छन् ।

३ दिन सम्म हुने प्रतियोगितामा १२ वटा जिल्लाको महिला र पुरुष खेलाडीहरुले सहभागी जनाउने र प्रथमलाई ३० हजार,द्वितीयलाई २० हजार र तृतीयलाई १० हजार नगद पुरस्कार रहेको छ भने त्यस्तै आत्मा रक्षा गर्ने प्रथम खेलाडीलाई ६ हजार र दोस्रो हुने खेलाडीलाई ४ हजार नगद पुरस्कार रहेको साथै खेल प्रदर्शन गर्नेमा प्रथम हुनेलाई ६ हजार र दोस्रो हुनेलाई ४ हजार नगद पुरस्कार आयोजकले व्यवस्थापन गरेको खेल संयोजक राजु आलेले सुस्ता सन्देशलाई जानकारी दिएका छन् ।

प्रतियोगिता बिनयी त्रिबेणि गाउँपालिका वार्ड न ६ को खुल्ला मैदानमा हुने आयोजकले जनाएको छ ।