गण्डक नहरमा डुबेर एक बालक बेपत्ता

श्याम थापा

सुस्ता १२ असोज

पश्चिम नवलपरासीको प्रतापपुर गाउँपालिकामा एक बालक गण्डक नहरमा डुबेर बेपत्ता भएको छ ।

बेपत्ता हुनेमा जिल्ला नवलपरासी प्रतापपुर गाउँपालिका वडा न.७ सुर्यपुरा बस्ने अनवर देवानको छोरा बर्ष अन्दाजी १० को अस्लाम देवान घर नजिकै रहेको भारतिय गण्डक पश्चिमी नहरको पानीमा नुहाउने क्रममा डुबी बेपत्ता भएको हो ।

बेपत्ता बालक नहरमा डुबेको भनि प्रहरीलाई स्थानीयले खबर गरेपछि उक्त स्थानमा प्रहरी टोली खटिगई स्थानियहरुको सहयोगमा खोजी कार्य भई रहेको जिल्ला प्रहरी कार्यालय नवलपरासीका प्रहरी नायब उपरीक्षक रेशम बोहराले जानकारी दिएका छन् ।