बर्दघाटमा खानेपानी समिक्षा तथा अभिमुखिकरण कार्यक्रम सम्पन्न

श्याम बुचा

बर्दघाट ११ पुस

पश्चिम नवलपरासीको बर्दघाट नगरपालिकाको कार्यालयले खानेपानी समिक्षा तथा अभिमुखिकरण कार्यक्रम आज नगरमा सम्पन्न गरेको छ ।

नगर स्तरीय खानेपानी समितिको आयोजना भएको खानेपानी समिक्षा तथा अभिमुखिकरण कार्यक्रममा बर्दघाट नगरपालिकामा दर्ता रहेको १२ वटा खानेपानी उपभोक्ता संस्थाका पदाधिकारीहरुको सहभागिता रहेको थियो ।

नगरपालिकाका नगर प्रमुख शम्भुलाल श्रेष्ठको अध्यक्षयतामा भएको खानेपानी समिक्षा तथा अभिमुखिकरण कार्यक्रममा खानेपानी उपभोक्ताले समयमै विल भुक्तानी गर्नुपर्ने,नगरपालिकाले उपभोक्ताहरुको मद्य्य नजर गर्दै खानेपानी स्वच्छताका लागि पानी परिक्षण कार्यक्रमलाई सबैले आ आफ्नो ठाउँमा सहयोग गरि प्रभावकारी बनाउनुपर्ने र नगर भित्र रहेको खानेपानी उपभोक्ता संस्थाले टोल टोलमा खानेपानी सुरक्षा योजना समिति गठन प्रक्रियालाई अगाडि बढाउने जस्ता लगायतका बिषयमा छलफल भएको बर्दघाट नगरपालिका स्वास्थ्य शाखा अधिकृत कृष्ण हरि पौडेलले बताएका छन् ।