सुस्ता ४ नर्सहीका गर्भवती महिलालाई पोषण तालिम

श्याम बुचा

सुस्ता ८ माघ

पश्चिम नवलपरासीको सुस्ता गाउँपालिका वडा न ४ नर्सहीका गर्भवती महिलाहरुलाई पोषण सम्बन्धि तालिम दिइएको छ ।

सुस्ता गाउँपालिका वडा न ४ को वडा कार्यालयको आयोजनामा ३ दिन सम्म संचालन भएको गर्भवती महिलाहरुलाई पोषण सम्बन्धि तालिमको एक कार्यक्रम गरि वडा न ४ का वडा अध्यक्ष निल बहादुर गुरुङ्गको अध्यक्षयतामा समापन गरिएको हो ।

तालिम समापन कार्यक्रममा बोल्दै सुस्ता गाउँपालिका का कार्यपालिका सदस्य एवं सुस्ता ४ का वडा सदस्य मुना पुनले स्वास्थ्य एक महत्त्वपूर्ण एजेन्डा रहेकोे हुदा स्वास्थ्य प्रति सबै ब्यक्ति तथा घर परिवार गम्भीर हुनुपर्ने बताएकी छिन् ।

त्यस्तै तालिम समापन कार्यक्रममा बोल्दै सुस्ता गाउँपालिका स्वास्थ्य शाखा प्रमुख केशरी देबि भट्टराईले पोषणको कुरामा स्वयं ब्यक्ति आफै सजग हुनुपर्ने र बाल बच्चा कुपोषणबाट जोगाउनका लागि खानाहरुमा एकदमै मध्यनजर गर्नुपर्ने सहभागीलाई बताइन् ।

त्यसैगरी तालिमको समापन कार्यक्रमलाई सम्बोधन गर्दै सुस्ता गाउँपालिका वडा न ४ का वडा अध्यक्ष निल बहादुर गुरुङ्गले सुस्ता ४ नर्सहीमा अहिले पनि केहि बालबालिकाहरु कुपोषणको सिकार भएको र ती बालबालिकाहरुको पनि स्वास्थ्यलाई मध्यनजर गर्दै अब हुने बालबालिकाहरुलाई पनि कुपोषण हुनबाट जोगाउन लागि वडा कार्यालयले गर्भवती महिला दिदीबहिनीहरुलाई पोषण सम्बन्धि शिक्षालाई अगाडि बढाउने उद्देश्यले नर्सहीका गर्भवती महिलाहरुलाई तालिमको आयोजना गरेको र सो तालिममा आफुहरुले सिकेका कुराहरु व्यवहारमा लागू गर्न आग्रह गरेका थिए ।

सो तालिममा गर्भवती महिला तथा उनीहरुको अभिभावक गरि ८० जनाको सहभागिता रहेकोे थियो भने तालिमको सहजीकरण बेस नेपालका कार्यक्रम संयोजक शालिकराम पोख्रेल र सुस्ता गाउँपालिका का पोषण सहजकर्ता भागिरथी पालले गरेका थिए ।