श्याम बुचा
सुस्ता २२ कार्तिक
पश्चिम नवलपरासीको प्रतापपुर गाउँपालिकाको कार्यालयले आर्थिक बर्ष ०८०/०८१ को बार्षिक समिक्षा सम्पन्न गरेको छ ।
प्रतापपुर गाउँपालिका का अध्यक्ष उमेश चन्द्र यादवको अध्यक्षयतामा भएको बार्षिक समिक्षा कार्यक्रममा प्रतापापुर गाउँपालिकाले प्रवाह गरेको सेवाहरु बारे समिक्षा गरिएको थियो ।
समिक्षा कार्यक्रममा प्रतापपुर गाउँपालिकाको वडा न १ देखि ९ सम्मका वडा कार्यालय लगायत विभिन्न शाखाबाट प्रवाह भएको सेवाको तथ्यांक र सेवा दिने समयमा आईपरेका समस्या तथा उपलब्धि सहित बृहत रूपमा छ्लफल भएको सूचना तथा प्राबिधि शाखाका प्रमुख बिजय पाण्डेले बताएका छन् ।
सो समिक्षा कार्यक्रमलाई सम्बोधन गर्दै प्रतापपुर गाउँपालिका अध्यक्ष उमेश चन्द्र यादवले सेवाग्राहीहरुलाई कुनै प्रकारको सेवा दिदा दुख र झन्झटिलो टालले सेवा प्रवाह नगर्न निर्देशन दिदै प्रतापपुर गाउँपालिकाका सम्पुर्ण शाखागत कर्मचारीले सेवाग्राहीलाई मुस्कान सहितको सेवा प्रदान गर्न निर्देशन दिएका छन् ।