प्रतापपुरमा पाठेघर मुखको क्यान्सर विरुद्ध खोप बारे अभिमुखिकरण

श्याम बुचा

सुस्ता ९ माघ

पश्चिम नवलपरासीको प्रतापपुर गाउँपालिकामा पाठेघर मुखको क्यान्सर विरुद्ध खोप (HPV) बारे अभिमुखिकरण कार्यक्रम सम्पन्न भएको छ ।

स्वास्थ्य शाखा प्रतापपुर गाउँपालिकाको आयोजनामा भएको पालिका स्तरीय खोप समितिका पदाधिकारीहरुलाई पाठेघर मुखको क्यान्सर विरुद्धको खोप (HPV) अभियान २०८१ सम्बन्धि अभिमुखिकरण कार्यक्रममा पालिका का सम्पुर्ण कार्यपालिका सदस्य एवं शाखागत कर्मचारी र संचारकर्मिहरुको सहभागिता रहेको थियो ।

खोप अभिमुखिकरण कार्यक्रम प्रतापपुर गाउँपालिका का अध्यक्ष उमेश चन्द्र यादवले उद्द्घाट्न गरेका थिए अभिमुखिकरण कार्यक्रमको सहजीकरण प्रतापपुर गाउँपालिका का स्वास्थ्य शाखा प्रमुख मन्तोष कुमार मुराउले गरेका छ्न भने यहि मिति २०८१ साल माघ २२ गते देखि प्रतापपुर गाउँपालिकामा १० बर्ष देखि १४ बर्षका किशोरीहरुलाई  विधालयमा अध्ययनरत कक्षा ६ देखि १० सम्मका लाई यो खोप लगाईने स्वास्थ्य शाखा प्रमुख मुराउले जानकारी दिएका छन् ।