लिजामा सुस्ता गाउँपालिका जिल्लामै प्रथम स्थानमा

श्याम बुचा

सुस्ता ३ फागुन

पश्चिम नवलपरासीको सुस्ता गाउँपालिकाको कार्यालय स्थानीय तह संस्थागत क्षमता स्वमूल्याकंन(LiSA)को नतिजामा जिल्लाकै प्रथम स्थानमा आएको छ ।

जिल्लाको पिछडिएको स्थानीय तहमा सुस्ता गाउँपालिकालाई लिइन्छ भने स्थानीय तह संस्थागत क्षमताको स्वमुल्यांकन(LISA)को नतिजामा भने जिल्ला भरीको अन्य ६ वटा स्थानीयतहलाई पछाडि पार्दै प्रथम हुन सफल भएको छ ।

सुस्ता गाउँपालिकाको स्थानीय तह संस्थागत क्षमता स्वमुल्यांकन (LISA)को १० वटा सुचक अनुसार सुस्ता गाउँपालिकालाई हेर्ने हो भने १.शासकीय प्रबन्धी सुचकको ९ पुर्णान्कमा ९ अन्क प्राप्त २.संगठन तथा प्रशासन सुचकको ८ पुर्णान्कमा ८ अन्क प्राप्त ३.बार्षिक बजेट तथा योजना व्यवस्थापन सुचकको ११ पुर्णान्कमा ९ अन्क प्राप्त,४.बितिय तथा आर्थिक व्यवस्थापन सुचकको ११ पुर्णान्कमा १०.२५ अन्क प्राप्त,५.सेवाप्रवाह सुचकको १६ पुर्णान्कमा १४.५ अन्क प्राप्त,६.न्यायिक कार्यसम्पादन सुचकको ७ पुर्णान्कमा ७ अन्क प्राप्त,७.भौतिक पुर्वधार सुचकको १३ पुर्णान्कमा १०.५ अन्क प्राप्त,८.समाजिक समावेशीकरण सुचकको १० पुर्णान्कमा ९.५ अन्क प्राप्त,९.वातावरण संरक्षण तथा बिपद व्यवस्थापन सुचकको ९ पुर्णान्कमा ८.२५ अन्क प्राप्त र १०.सहकार्य र समन्वय सुचकको ६ पुर्णान्कमा ६ अन्क गरि पालिकाले १०० को पुर्णान्कमा ९२ अन्क मात्र प्राप्त गरेर जिल्लामै प्रथम भएको हो ।

सुस्ता गाउँपालिकाको सुचकहरु मध्ये कमजोर भनेको भौतिक पुर्वधारमा सुचकमा कमजोर देखिएको छ । यसरि स्थानीय तह संस्थागत क्षमता स्वमुल्यांकन(LISA)को सुचकहरुमा अन्कहरु बढी आयो भने पालिकालाई संघीयबाट आउने अनुदान तथा बजेटमा केहि सहुलियत अर्थात थप हुने गर्दछ र लिजाको आधारलाई नै पालिका कुन स्तरमा छ र कसरी संचालन भइरहेकोे छ भनेर मुल्यांकन गरिन्छ ।

जिल्लामा ३ नगरपालिका र ४ गाउँपालिका गरि ७ वटा स्थानीय तह रहेको छ भने ७ वटा स्थानीय तह मध्ये सुस्ता लिजाको नतिजा अनुसार १औं अर्थात प्रथम स्थानमा आएको हो ।

लिजाबाट प्राप्त भएको जिल्ला भरिको स्थानीय तहको नतिजा हेर्ने हो भने जिल्लामै दोस्रो स्थानमा सुस्ताको छिमेकी पालिका प्रतापपुर गाउँपालिका रहेको छ । प्रतापपुरले १०० पुर्णान्कमा ९१.२५ अन्क प्राप्त गरेको छ भने तेस्रो स्थानमा रहेको सुनवल नगरपालिकाले ८६.५ अन्क,चौथो स्थानमा रहेको बर्दघाट नगरपालिका ८२.७५ अन्क,पाँचौ स्थानमा रहेको सरावल गाउँपालिकाले ८२ अन्क,छैठो स्थानमा रहेकोे रामग्राम नगरपालिकाले ६९ अन्क प्राप्त गरेको छ भने यो समाचार सम्प्रेषण गर्दा सम्म अहिलेसम्म पाल्हिनन्दन गाउँपालिकाले कुनै अन्क प्राप्त नगरेको लिजामा उल्लेख छ ।

यद्यपि सुस्ता गाउँपालिकाको आर्थिक बर्ष ०८९/०८० को लिजाको नतिजामा जिल्लामै अन्तिम स्थानमा थियो भने आर्थिक बर्ष ०८०/०८१ मा अहिले ९२ अन्क ल्याई जिल्लामै प्रथम भएको हो ।