नेपाल शिक्षक महासंघ सुस्ता द्वारा स्थानीय तहलाई ध्यानाकर्षण तथा जानकारी पत्र

श्याम बुचा

सुस्ता ६ फागुन

नेपाल शिक्षक महासंघ सुस्ता गाउँपालिका स्तरीय समितिले शिक्षक कर्मचारीहरुको विभिन्न मागहरु राख्दै सुस्ता गाउँपालिका का अध्यक्ष टेक नारायण उपाध्यायलाई ध्यानाकर्षण तथा जानकारी सहितको ज्ञापन पत्र बुझाएको छ ।

नेपाल शिक्षक महासंघ सुस्ता गाउँपालिका स्तरीय समितिका अध्यक्ष सन्तोष कुमार यादवको नेतृत्वमा गएको टोलिले २० वटा माग सहित पालिका अध्यक्ष उपाध्यायलाई ध्यानाकर्षण तथा जानकारी सहित ज्ञापन पत्र बुझाएको हो ।

नेपाल शिक्षक महासंघ सुस्ताले बुझाएको ध्यानाकर्षण तथा जानकारी सहितको ज्ञापन पत्रमा शिक्षा ऎनमा लागु हुने गरि शिक्षक कर्मचारीहरुको मागहरु सम्बोधन गर्नका जोडदार माग गरिएको छ भने शिक्षक कर्मचारीहरुको मागलाई हेर्ने हो भने पहिलो माग अस्थायी प्रकृतिका शिक्षकहरुको सम्बन्ध अन्तर्गत राहत,साविक उच्च माबि,शिक्षण सिकाई अनुदान,प्राविधिक धार तथा विशेष शिक्षाका शिक्षक कोटालाई स्वीकृत दरबन्दीमा परिणत गरि उमेर हदबन्दी नलगाई महासंघसंग बि स २०८० सालमा सम्झौता भए अनुसार स्थायी गर्ने र स्थायी हुन नसक्ने शिक्षकहरुलाई गोल्डेन ह्याण्ड चेक हस्तान्तरण गर्नुपर्ने जस्ता लगायका माग रहेको छ ।

त्यस्तै दोस्रो मागमा विद्यालयमा कर्मचारीको दरबन्दी व्यवस्था गर्ने,अवकाश भएका कर्मचारीलाई सुबिधा दिने,तेस्रो मागमा बालबिकास शिक्षालाई बिद्यालय संरचना भित्र ल्याउने,चौथो मागमा स्थायी शिक्षकको सम्बन्धमा बढुवाको ब्यवस्था लगायतका माग रहेकोे छ भने त्यसैगरी पाँचौ मागमा द्वन्द्व पीडित शिक्षक सम्बन्धमा,छैठो मागमा संस्थागत बिद्यालय शिक्षक सम्बन्धमा,सातौ मागमा प्रध्यानाध्यापकको व्यवस्था,आठौं मागमा शिक्षण काउन्सिल,नवौं मागमा विभागीय कार्वाही,दसौं मागमा कार्यसम्पादन मुल्यांकन,एघारौं मागमा शिक्षक कर्मचारी सरुवा,बार्हौ मागमा पेशा प्रवेश उमेर सम्बन्धमा,तेह्रौ मागमा बिद्यालय व्यवस्थापन समिति,चौधौं मागमा जिल्लामा शिक्षाको इकाई,पन्ध्रौं मागमा पद समायोजन,सोर्हौ मागमा बिद्यालयको सम्पत्ति हस्तान्तरण,सत्तरौ मागमा प्राविधिक ग्रेड,अठारौं मागमा शिक्षकको मर्यादाक्रम,उन्नाइसौं मागमा शिक्षक दरबन्दी र बिसौ माग अर्थात अन्तिम मागमा नेपाल शिक्षक महासंघ सम्बन्धमा रहेकोे छ ।