राहत शिक्षक प्रति सरकार गम्भीर भएन केन्द्रिय अध्यक्ष:धामि

श्याम बुचा

नवलपरासी १७ फागुन

नेपाल सरकार राहत शिक्षक प्रति गम्भिर नभएको नेपाल राहत शिक्षक समितिका केन्द्रिय अध्यक्ष नविन सिंह धामीले आरोप लगाएका छन् ।

केन्द्रिय अध्यक्ष धामीले पश्चिम नवलपरासीको नेपाल राहत शिक्षक जिल्ला समितिको पाँचौ जिल्ला अधिवेशनको उद्द्घाटन समारोह कार्यक्रमलाई सम्बोधन गर्दै नेपाल सरकार राहत शिक्षक प्रति गम्भीर नरहेको आरोप लगाएका हुन् ।

केन्द्रिय अध्यक्ष धामीको अनुसार देश भरि रहेका ४० हजार बराबरीका राहत शिक्षकहरुको हक हितको लागि बि स २०६३ देखी निरन्तर आन्दोलनमा रहेको बताउदै सरकारको पारा यस्तै रहने भने अब यो देशमा नेताहरुको पनि भबिस्य नरहेको बताए ।

प्रधानमन्त्री केपी शर्मा ओलिले शिक्षक प्रति एक कार्यक्रममा दिएको अभिव्यक्तिमा शिक्षकले ५२ प्रतिशत विद्यार्थी फेल गराउने र त्यही शिक्षकलाई तलब वृद्धि र स्थायी किन बनाउने जस्ता अभिव्यक्ति प्रति नेपाल राहत शिक्षक समितिका केन्द्रिय अध्यक्ष नविन सिंह धामीले आक्रोश पोखेका थिए ।

शिक्षकहरु पनि विभिन्न पार्टीको शुभचिन्तक हुने र त्यहि कारणले गर्दा राहत शिक्षकको मात्र नभई सम्पुर्ण शिक्षक कर्मचारीहरुको माग तथा न्याय पाउनमा केहि कठिनाइ रहेकोे हामी शिक्षकले आफ्ना नेताहरुलाई दरिलो तरिकाले भन्न नसक्ने र नेताहरुले भने अनुसार चल्न खोज्ने प्रवृत्तिको कारणले पनि हाम्रो शिक्षकहरुको मागहरु ओझेलमा पर्न गएको नेपाल राहत शिक्षक केन्द्रिय अध्यक्ष धामीले बताएका छन् ।

त्यसैगरी नेपाल राहत शिक्षक समिति पश्चिम नवलपरासीका अध्यक्ष तारा न्यौपानेले संस्थागत प्रतिबेदन प्रस्तुत गर्दै आफ्नो कार्यकालमा नेपाल राहत शिक्षकहरुको हकहित विभिन्न कार्यक्रमहरुको साथ साथै राहत शिक्षकहरुको न्यायको लागि स्थानीय,जिल्ला तथा केन्द्र सम्म आन्दोलनमा समेत भाग लिएको र जिल्लामा १४ सदस्यीय निर्वाचित र ३ मनोनीत गरि १७ सदस्यीय जिल्ला कार्यसमिति अधिवेशनबाट चयन हुने बताएका छन् ।

सो अधिवेशन कार्यक्रममा नेपाल राहत शिक्षक समितिका केन्द्रिय महिला उपाध्यक्ष टिका सापकोटा,नेपाल राहत शिक्षक लुम्बिनी प्रदेश समितिका अध्यक्ष शिव कुवर,नेपाल शिक्षक संघ पश्चिम नवलपरासीका सभापति भोजराज चापागाईं,नेपाल शिक्षक महासंघ पश्चिम नवलपरासीका अध्यक्ष अरबिन्द पाठक लगायतले शिक्षण पेशाको महत्त्व र शिक्षकको हकहितमा आफ्नो धारणा व्यक्त गरेका थिए ।