सुस्तामा आगलागीबाट २७ लाखकाे क्षति,तीन घाइते

  • सुस्ता संदेश
  • / मुख्य समाचार /
  • २०८१ फागुन २३, शुक्रबार (१ महिना अघि)
  • ३२९ पटक पढिएको

सुस्तामा आगलागीबाट २७ लाखकाे क्षति,तीन घाइते

श्याम बुचा

सुस्ता २३ फागुन

पश्चिम  नवलपरासीकाे सुस्ता गाउँपालिकामा आगलागीबाट एक घर जलेर नष्ट भएको छ भने ३ जना ब्यक्ति आगोबाट जलेर घाइते भएका छन् ।

सुस्ता गाउँपालिका वडा न ३ स्थित सेखुवाना गाउँमा शुक्रबार दिउँसो भएकाे हो । आगलागीबाट करिब २७ लाख बढीकाे क्षति भएकाे छ भने  आगलागिमा परि तीन जना जलेर घाइते भएका हुन्  ।

सेखुवाना गाउँ बस्ने इन्द्रिस अलिका पाँच दाजुभाई बस्दै आएकाे टिन र खरको टाटीले बारेकाे घरमा अकस्मात विद्युत सर्ट हुँदा आगलागी भएकाे  जिल्ला प्रहरी कार्यालयका सूचना अधिकारी प्रहरी निरीक्षक शिवकुमार खत्रीले जानकारी दिएका छन् ।

४० मिटर लामाे एउटै घरलाई बारेर पाँच दाजुभाईकाे परिवार बस्दै आएकाे थियाे । घरमा आगाे लागेपछि सामान निकाल्न जाने क्रममा परि ४० वर्षीया सतारूल निसा, ३५ वर्षिय निजामुद्दिन मिया र २३ वर्षिय तैमरूद्दिन मिया जलेर घाइते भएको सुस्ता गाउँपालिका वडा न ३ का वडा अध्यक्ष हरिलाल दुषादले बताएका छन् ।

घाइते मध्ये सतारूलकाे अनुहार, टाउको र दुवै हात, निजामुद्दिनकाे दुवै हात र खुट्टाका पञ्जा तथा तैमरूद्दिनकाे हात जलेकाे र उनीहरूकाे सामुदायिक अस्पताल चाैपातामा उपचार भइरहेकाे  प्रहरी निरीक्षक खत्रीले जानकारी दिए ।

आगलागीबाट खाद्यान्न, फर्निचर, सुनका गरगहना, कुखुरा, माेबाईल जिन्सी सामान पूर्णरूपमा जलेर नष्ट भई २७ लाख २९ हजार बराबरकाे क्षति भएकाे र दमकल, प्रहरी र स्थानीयकाे सहयाेगमा आगाे नियन्त्रणमा लिइएकाे प्रहरीले जनाएको छ ।

तपाइंलाई यो खबर पढेर कस्तो लाग्यो?
मन पर्यो खुशी अचम्म उत्साहित दुखी आक्रोशित
१%
छुटाउनु भयो की?

ताजा अपडेट

खोजी गर्नुहोस

कर्णाली

कोशी

गण्डकी

मधेश

सुदूरपश्चिम

लुम्बिनी

बागमती