सुस्ताका अग्नि पीडित परिवारलाई रु एक लाख नगद सहयोग

श्याम बुचा

सुस्ता २३ फागुन

पश्चिम नवलपरासी सुस्ता गाउँपालिका वडा न ३ स्थित सेखुवाना गाउँमा आगलागीबाट पिडित परिवारलाई आज आईतवारका दिन रु एक लाख नगद रकम सहयोग भएको छ ।

सेवानै धर्म हो भन्ने मुल नाराका साथ र अग्नि पिडित परिवारको दुखमा केहि हदसम्म मलहम लगाउन सकिने उद्देश्यले सशस्त्र प्रहरी बल नेपालका भुतपुर्व कर्मचारी रामराजा मल्लको नेतृत्वमा संकलन भएको राहत स्वरुपको सहयोग रकम सुस्ता गाउपालिकाका अग्नि पीडित परिवारहरुलाई रु एक लाख रकम नगद सहयोग मल्लले पिडित परिवारका सदस्य इद्रिश अलि अन्सारीलाई हस्तान्तरण गरेका हुन ।

सशस्त्र प्रहरी बल नेपालका भुतपुर्व कर्मचारी मल्लले घटना बारे आफुले विभिन्न समाजिक संजाल र सन्चारमाध्यम बाट जानकारी पाएपछी आफ्नो ब्यक्तिगत रकम रु २५ हजार पनि पीडित परिवारलाई घट्ना भएको दिनमै नगद सहयोग गरेको बताउदै हामी जस्तै सहयोगी हातहरु अग्नि पीडित परिवारको लागि अघि बढ्नको लागि आग्रह पनि गरेका छन् ।

सहयोग बाफतको रकम बुझ्दै पिडित अन्सारीले आगलागीबाट अफुहरुसंग खानेकुराहरु पनि केही नरहेको र आफ्नो शरीरमा लगाएको लत्ताकपडा बाहेक अन्य लत्ताकपडाहरु समेत नरहेको यस्तो दु:खद घडिको समयमा सेवानै धर्म भन्ने अभियान चलाएर रामराजा मल्लले गरेको सहयोग ठुलो रहेको बताए ।

अग्नि पीडित परिवारका अनुसार अहिलेसम्म आफुहरुलाई ब्यक्तिगतबाट मात्र सहयोग आएको स्थानीय सरकार अर्थात नत सुस्ता गाउँपालिकाबाट सहयोग आएको नत छिमेकी पालिका प्रतापपुर गाउँपालिकाबाट यि दुबै स्थानीय तहबाट कुनै प्रकारको सहयोग नआएको बताएका छन् ।

शुक्रबार सुस्ता गाउँपालिका-३ सेखुहनवा मा विधुतिय बक्स मिटर सर्टसर्किटबाट आगलागि भई पाच जना दाजुभाइको सम्पूर्ण लत्ताकपडा,अन्न, महत्त्वपूर्ण कागजपत्र, नगद सहित जलेर नष्ट भएको थियो । साथै तीन जना गम्भीर घाइते भएका थिए,उनिहरुको स्थानीय स्वास्थ्य केन्द्रमा उपचार भइरहेको प्रहरीले जनाएको छ ।